اورمونيوز" خبر سايتی نين يايديغی معلوماتلارا گوره کئچن ايلين آتش آچيلاراق قتله يئتيريلين 4 سولدوز (نقده) ساکنی نين ئوز ياخين لارينين، اولادلارينين قتلی باره ده آراشديرمالار آپاريلماسی و قاتل لرين جزالانديريلماسی ايله باغلی مراجعت لری هله ده جوابسيز قاليب. يادا سالاق کی، کئچن ايل " ايران" دولت قازئتينين ايرانداکی آذربايجان تورک لرينه قارشی تحقيرلی يازی و کاريکاتورلارين نشريندن سونرا ايران آذربايجانينين بير چوخ شهرلری او جمله دن، تبريز، اورميه، زنجان، قوشاچای(مياناب)،خوی و سولدوزدا اعتراض نوماييش لری کئچيريلميشدير. اعتراض نوماييشلرينه اودلو سلاحلارلا هجوم ائدن پليس بير نئچه نفری قتله يئتيرميشدير. خرداد آی نين 4 ده باش وئرن قانلی حادثه نين قوربانلاری نين 20 نفر اولدوغو سويله نيلسه ده رسمی قايناق لار بو ادعالاری تصديق له مکدن امتناع ائديرلر. اورمو نيوزا گوره، ايرانين رسمی دولت تلويزيونو ايلک گئجه ئولن لرين سايی نی 6 نفر اعلان ائتسه ده، داها سونرا يالنيز 4 نفرين هلاک اولماسی فاکتينی تصديق له ييب.اونلارين اوچ نفری، گنج شاعير توحيد آذريون (۲۵ ياشلی - رحمت اله اوغلو)٬ همت اسمزاده (۳۵ ياشلی - مرتضی اوغلو)٬ حسین فتحي پور(مکتبـلی ۱۷ ياشلی - اکبر اوغلو ) سولدوز شهری قبرستانليغيندا، عسگر قاسمی (۳۹ ياشلی -قربان اوغلو) ايسه سولدوزون ياخينليغيندا محمدیار بولگه سينده دفن ائديليب.
توحيد آذريونون آناسی "اورمو نيوز"ا وئردييی مصاحبه سينده ئوره ييندن گوللـه ياراسی آلاراق حياتينی ايتيرن اوغلو نون مئييدينی گورمک اوچون اونا يالنيز 2-3 دقيقه واخت وئريلديينی دئيير.
هلاک اولانلارين عائيله لری اولادلاری نين قاتل لرينين جزالانديريلماسی ايله باغلی شکايت لرينه هر – هانسی جواب وئريلمه ديينی دئييرلر.
اونلار سولدوز شهر والی ليينه، اسلام انقلاب کشيک چيلری نين مقاومت کونوللولری( بسيجی) حربی تشکيلاتينا و يئرلی پليس اداره سينه قارشی شکايت لرله چيخيش ائديبلر. بوندان باشقا، ئولکه ده بو عائيله لری محکمه سويه سينده مدافعه ائدن وکيل تاپلماييب. مراجعت ائتديکلری وکيل لر اونلاری مدافعه ائتمکدن چکينيب لر.
رسمی قايناقلار مسئله يه هر-هانسی مناسبتينی آچيقلاماييب.
http://www.voanews.com/azeri/Sulduz-mortyrs07-27.cfm
مرداد ۱۳۸۶
http://www.mediaforum.az/articles.php?article_id=20070525022746283&lang=az&page=03
