غوربتده ياشاديم اؤز توپراغيمداازليندن سؤيله ييبدير تانريميز
بو دونيادا ظولمه عوصيان ائيله يين
باش قالديريب عرشه چاتمير آهيميز
دنيز كيمين سيز ده طوغيان ائيله يين
گؤره ن ندير ائللريمين گوناهي
ظاليمي توتاردي مظلومون آهي
كؤنول ياراليدير، دؤزولمور داهي
يارالي كؤنلومه درمان ائيله يين
غوربتده ياشاديم اؤز توپراغيمدا
سالينديم دوستاغا بيرليك داغيمدا
بولبوللر اوخومور گوللو باغيمدا
ظاليم ساراييني ويران ائيله يين
عدالت داغلارين چيخاندا ائليم
ظاليم بوغازيني سيخاندا ائليم
بيرليك بايراغيني آساندا ائليم
دوشمن باغريني آل قان ائيله يين.
آزادليقدير منيم درديمين درماني
آراز كسدي ايكي قارداش آراسين
من آلارام گونئي گؤزو قاداسين
باغلاسايديم اؤز ائليمين ياراسين
بير دييه رديم قوناق گلين بيزلره
قوربان اوللام او بولوتلو گؤزلره
اوره ك دولو كده رله ندي آغلارام
مرحم تاپيپ يارام اوسته باغلارام
مردين آدين اوره ييمده ساخلارام
آزادليقدير منيم درديمين درماني
من اولارام آزربايجان قورباني.
قوربان اولوم...
آزربايجان اودلو ائليم
بالدان شيرين توركو ديليم
دالغالاندير منيم سئليم
هيممته قوربان من اولوم آسلان كيمي نعره چكه ن
نامردلرين قددين بوكه ن
باي بك كيمين رهبر سئچه ن
جوراته قوربان من اولوم
قوي دئييم بير باي بك`يمدن
اؤز يوردومون ار تكيندن
دوشمنلري قير كؤكوندن
ميللته قوربان من اولوم
جاوانلارين غئيرتي وار
قوجالارين حؤرمتي وار
گئچميش ائلين عيززتي وار
عيززته قوربان من اولوم
ساوالان تك داغلاريميز
چيچكليدير باغلاريميز
كوراوغلوموز٬ نيگاريميز
قامته قوربان من اولوم
سازلي صؤحبتلي آشيقلار
اينسانلارا جان باغيشلار
قوي قار ياغسين هم ياغيشلار
صؤحبته قوربان من اولوم
سرين – سرين بولاقلارين
قويونلارين٬ قوزولارين
ياشيل باشلي سونالارين
قيرآت`ا قوربان من اولوم
پئيمانه لر دول-ها-دولا
ايگيدلرين ساغدان سولا
جان وئره ريك بيز بو يولدا
قودرته قوربان من اولوم
يورولماسين ائللريميز
هئچ سولماسين گوللريميز
لال اولماسين ديللريميز
نيييته قوربان من اولوم
دومان داغلار باشيندادير
بوزقوردلاريم يانيندادير
خوش گونلريم ياخيندادير
شؤوكته قوربان من اولوم .
اونوتماريق گؤزدن آخان ياشلاري
كؤنلوم قوشو قانادلانيب اوچماسا
وطن عئشقي اوركلرده جوشماسا
پئيمانه لر دولوب – دولوب داشماسا
آذر اوغلو دئدييينه چاتانماز
جاني گئتسه اؤز ائليني آتانماز
***
ائل دئدييين قوهوم قارداش يولداشدي
تورك'ون ديلي ديللر ايچينده باشدي
ندن گؤره ن ائليمين گؤزو ياشدي
اونوتماريق گؤزدن آخان ياشلاري
ائل كسه جك خايين اولان باشلاري
***
هاردا قاليب ايگيتليك نيشانه سي
هاردا قاليب كوراوغلو`نون نعره سي
آزربايجان سينديراجاق قفسي
ائل گووه نه ر آزربايجان آدينا
آزادليغي سالين اونون يادينا
